Overblog Suivre ce blog
Editer l'article Administration Créer mon blog

Le Monde du Sud// Elsie news

Le Monde du Sud// Elsie news

Haïti, les Caraïbes, l'Amérique Latine et le reste du monde. Histoire, politique, agriculture, arts et lettres.


Tonton Nwel. Par Arnold Talleyrand

Publié par siel sur 29 Décembre 2011, 10:50am

Catégories : #A.TALLEYRAND chroniques

TONTON NWEL

 

Tonton nwèl pa tonton’m

Li dechouke abdenwal nan monn

Pou la pli bwote tè’m nan lanmè

 

Tonton nwèl pa tonton’m

Li pa monte bourik

Nan chimen tèt gridap

 

Tonton nwèl pa tonton’m

Li refize bare kabrit de pye

Kap manje jadenm

 

Tonton nwèl pa tonton’m

Li pa pote pli detwal

Ak zanpoul tout koulè

Pou klere lakou grann

 

Tonton nwèl pa tonton’m

Do’l pa fèt pou pote

Bèl kabwèt ak poupe twèl

Pou ti zanmi’m yo

Kap woule sèk nan savann pikan

 

Tonton nwèl pa tonton’m

Kloch minwit pa rele

Nan korido souf koupe

Pou fè kè ti moun kontan

 

Tonton nwèl pa tonton’m

Sil pa ka wè

Se sèl pikwa

Ki fè zetensèl

Nan dan roch

 

Toton nwèl pa tonton’m

Kouman pou’l ta fè tonton’m

M’pa konn kote tonton nwèl soti

 

 Desanb 1997

 arnold c. talleyrand

Commenter cet article

Archives

Nous sommes sociaux !

Articles récents