An'n fe on retounen sou evenman ki pase an Ayiti de 2000 a 2004. Eleksyon fet, Kominote intenasyonal ki te vi'n sipevize eleksyon yo di tout bagay byen pase. Politisyen perdan, rekalsitran mande goumen.


Yo di ke gen 7 mamb nan palman ki pat sipoze pase depi nan premye tou. Preval ale li pase mayet la bay Aristide. Opozisyon kampe mean li di se pou 7 moun sa yo demisyone pou yo ka fe on eleksyon special. Apre on ti tan 7 moun yo demisyone 6 Lavalas 1 indepandan.


Opozisyon rele anmwe se pa sa yo vle anko, se tout eleksyon yo ki pou refet. Le gouvenman pa asepte yo mande negosye. Tout negosyasyon yo pa abouti a anyen. Gen yon fwa Aristide sot nan L'ONU li pa menm antre lakay li. li ale tout dwat kote Negosyasyon yo tap fet la. Tout opozisyon kraze rak, genyen ki di se paske Aristide se yon neg ki gen ti djol dous li ka fe yo siyen sa yo pat dwe siyen.


Nan tout meli melo sa ou jwen'n "karavan de lespwa" ki pat janm rive a destinasyon epi ou jwen'n GNB. Nan GNB ou jwen'n moun ki pat vle peye tax, ou jwen'n moun ki tap chache franchiz epi politisyen perdan rekalsitran. Moun sa yo di yo met kraze peyi ya men fok Aristide ale.


Yo fe manifestasyon en permanence pou yo ka bloke peyi ya. Lavalas menm ap fe manifestasyon pa yo ak 5 dwet an le. Mesye Dam ki gen kob nan peyi ya mete tet yo ak kob yo ansanm pou yo ka jwen'n bout ti pe ya. Yo lobby Washington. Washington mande pou yo gele tout aide Kominote Intenasyonal la te kon'n bay Ayiti.


Menm kob Ayiti te prete nan men bank intenasyonal yo te bloke tou. Yon fason pou yo te ka fe ti pep la leve kont Aristide le li paka delivre nan pwogram li yo. Kominote Intenasyonal la itilize metod karot ak ti bout bwa pou yo ka retire kob nan men gouvenman. Yo di Aristide si ou peye interet sou kob Ayiti prete ya na ba ou'l. Gouvenman oblije ap peye kob sou kob ke li pa janm resevya. Ti pep la kampe fe'm ak prezidan yo te vote pou liya.

GNB di fo nou pase on lot vitesse. ce le sa ou we manifestasyon komanse gen plis vyolans. Gen yon jen gason yo tiye ak kout roch epi lage'l nan yon ravin ( yo sou video nou met al gade yo) Li mouri paske li te gen on mayo ki gen foto Aristide sou li.


Etidyan Ayisyen ki toujou konsidere tet li nan yon lot ran social tombe damou pou bel pwomes caravan de lespwa tap fe pase ya. Pawol paran yo pat vo la voum paske yo te bezwen pran sant boujwa.

 
(Se menm etidyan sa yo ki ta'l mande pep la padon le yo realize tro ta ke caravan nan se pwomes vid li te pote)

Businessmen Ayisyen tombe fe va e vien an Repiblik Dominiken pou yal komplote kont gouvenman Ayisyen an. Te'm repete'l anko yal fe komplo an " Dominikani" kont gouvenman Ayisyen an. Tout swit apre lame mecene a komanse fe atak geriya sou Ayiti a pati de St. Domeng. Neg yo krible Palais National ak bal epi yo jambe frontye. Yo pran Academi daso, tiye Polis, vole zam epi travese frontye. Deye moun lakay mwen tap koupe klou paske nou te gen fanmi ak zanmi nan Academi yan. Ou met kwe ke mwen tap suiv bagay yo de tre pre.

 

Pou fe yon long istwa pi kout lame mecenaire la pase nan plizie provins yo tiye Polis, tiye mamb fanmi lavalas, femen moun nan container lage yo nan lanme, kraze ekipman nan pelig, boule comisarya, boule tracte ak bouldoze. Le lame mecenaire la rive pre Potoprins yo konnen bagay la pa tap bon pou yo. Met yo di yo kampe la nou pral pran ti pe ya. Yo voye milite pa yo pou vi'n sipote coup d'etat epi pwotege la boujwazi. Nou pa sonje masak ki te fet apre kou deta tou? Se rat pa kk ki te fe yo?. Kombyen moun ke lame canibale, lame mercenaire tiye? mwen pa janm tande anyen sou sa. Nou vle pou'm revisite 1991 pou nou paske moun ki fe coup 2004 la se yo ki te fe coup 91 lan. 

 
Mwen konnen tout sa'm di yo pa fe nou anyen paske se avek audacite nou pou nou jwen'n pain kotidyen nou.


Men mwen fel pou le mwen korompu ak pou listwa. Pou ti moun kap vini yo pa pran zanana pou sizane epi pou yo pa repete menm ere nou fe yo. Minista an Ayiti paske moun ki abitie fe coup d'etat yo pa janm we pi lwen ke pwent nen yo. Le interet yo menase Ayiti te met fe 200 zan an arriere.
 
Se sa mwen te we e ou menm moun ki gen kouraj yo kisa'w te we?