Overblog Suivre ce blog
Editer l'article Administration Créer mon blog

Le Monde du Sud// Elsie news

Le Monde du Sud// Elsie news

Haïti, les Caraïbes, l'Amérique Latine et le reste du monde. Histoire, politique, agriculture, arts et lettres.


Guy Delva et les autres...

Publié par siel sur 18 Août 2012, 10:33am

Catégories : #AYITI ROSE RAKET

J'ai lu ça sur le net  et suis tout à fait d'accord avec cette opinion.

 

"Mwen pa etone pozisyon Delva pran an paske mwen te deja wè misye ap fredone ak Miki jou yo t ap fè fèt pou Sean Penn nan palè a. Ojis Guy Delva toujou opouvwa keseswa gouvènman ki an plas la. Se yon nèg ki mennen karyè li yon mannyè ki pragmatik anpil. Mwen pap voye wòch sou li pou chwa karyè li. Se dwa nèg la pou li chwazi kanpe kote li wè enterè li. Mwen te gen plis pwoblèm ak atitid misye te pran alepòk Robert Ménard t ap fè lòbèy nan peyi a epi li te montre li twò dosil devan frekansite Ménard t ap fè yo.

Kòmantè mwen fè osijè tan ak espas politisyen yo okipe nan lespri Ayisyen an, se pa parapò ak forumhaitien. com, se plis onivo jeneral, mwen twouve nou pase twòp tan ap analize kisa Kplim di, kisa Himler Rébu te deklare sou radyo, kisa Senatè X, Depite Y, Prezidan, Premyeminis di....paske ojis, pawòl mesyedam yo PA VO ANYEN! Se van!


Li vire detanzantan epi li vire nan nenpòt direksyon. Gade dènye piwèt mouche yo di ki prezidan Lachanm nan ap fè. Moun sa yo pa merite tan ak enèji moun ki gen bagay serye pou yo okipe.


Peyi a sou okipasyon, se Washington tout desizyon serye pran. Ti panten nou yo la pou fè espektak, gwouye nan kanaval epi ranpli pòch yo ak lajan komisyon koripsyon. Koze eleksyon k ap pale se distraksyon. Jodi a, si ou pran tout Minis peyi a ak Sekretèdeta peyi a, ou voye yo ale pase vakans an menm tan sou yon zile byen lwen Ayiti, mwen parye avèk ou pa gen anyen k ap chanje nan lavi popilasyon an. Menmsi tout minis, Prezidan, premyeminis rete sou zile sa a pou 1 mwa.

Se pa biwokrasi ofisyèl la k ap dirije Ayiti vre. Mesyedam yo pa PWODIKTIF!

Si yon tranblemandetè osnon yon gwo siklòn pase Ayiti jodi a, nou pa p pi byen prepare pou nou defann lavi ak resous peyi a, pase jan nou te ye 12 janvye 2010. Sa vle di: lajan k ap depanse nan biwokrasi ayisyen an, nan espas politik la, se yon gaspiyaj total kapital. Moun yo pa PWODIKTIF!

Se pou sa, mwen pito depanse tan ak enèji ap suiv sa lòt sektè nan popilasyon an ap fè."

Jaf

Commenter cet article

Archives

Nous sommes sociaux !

Articles récents