Overblog Suivre ce blog
Editer l'article Administration Créer mon blog

Le Monde du Sud// Elsie news

Le Monde du Sud// Elsie news

Haïti, les Caraïbes, l'Amérique Latine et le reste du monde. Histoire, politique, agriculture, arts et lettres.


Lu sur le net : " Se tout sa ki esplike, jodi a, se malfra, vòlè, dwòg dilè, ensousyan, reyaksyonè, vakabon, bandi tout kalite ki envesti leta a. "

Publié par siel sur 19 Avril 2017, 09:09am

Catégories : #LU SUR LE NET, #AYITI ROSE RAKET, #AYITI EXTREME DROITE, #PEUPLE sans mémoire...

Mario Caonabo
18 avril 2017 à 12:47
Permalink
Se depi nan mitan lane 1970 yo gen yon pwosesis peyi enperyalis yo antame ann Ayiti pou kraze leta Ayisyen, wete fonksyon sèvis a popilasyon an nan leta Ayisyen an e lage kesyon sila yo nan men ONG. Sa rantre nan aplikasyon politik neyo-liberalis la ann Ayiti. Nou ka sonje enjeksyon de espesimenn ki te soti nan ekip Chicago Boys tankou Marc Bazin ak Leslie Delatour, de ansyen kad Bank Mondyal. Se ak yo pwosesis kraze leta Ayisyen an koumanse depi sou Janklod Divalye. Se sa Janklod Divalye te rezime nan pawòl, “Papa m te fè revolisyon politik, mwen menm map fè revolisyon ekonomik.” Se depi la nou dwe chache orijin pwosesis destriksyon leta Ayisyen ak disparisyon leta Ayisyen nan bay sèvis a popilasyon an, nan santé, ledikasyon, sanitasyon ets. Se la pwosesis privatizasyon antrepriz/endistri nasyonal yo koumanse tou.

Se endistri nasyonal yo ki te konn bay leta Ayisyen mwayen pou reponn a de bezwen minimòm popilasyon an. Nou ka di tou granmanjè te konn itilize plas yo nan leta tou pou akimile kapital, vòle ak piye leta tou. Men an menm tan tou, privatizasyon endistri nasyonal yo vin bay de endividi nan boujwazi a ak de etranje pwopriyete eksklizif endistri sila yo e lè sa a leta vin pa ka gen kapasite pou reponn a tout yon seri de depans piblik.

Globalman, pandan 2 syèk nesans peyi d Ayiti, klas dominant yo mete Pèp la sou kote pou li pa benefisye okenn retonbe sosyal ak ekonomik nan peyi sa a. Men se apati de mi 70 yo, vreman, pwosesis pou wete leta nan bay de sèvis minimòm a popilasyon an koumanse ak plis fòs e agresivite sou benediksyon peyi ak enstitisyon finansyè entènasyonal enperyalis yo tankou Fon Monetè Entènasyonal, Bank Mondyal, Bank Entè Amerikèn “Devlopman,” USAID, PNUD. Se peyi enperyalis yo ansanm ak enstitisyon finansyè sila yo ki dikte ki kalite leta ki dwe genyen nan peyi a: yon leta demisyonè ki pa sousye de popilasyon Ayisyen an. Se konsa Ayiti vin tounen yon repiblik ONG.

Ositou, se pa annik yon kesyon laksism oubyen neglijans leta Ayisyen. Se yon leta ki la pou defann enterè peyi enperyalis yo ak de klas sosyal dominan reyaksyonè, akayik, e retwograd ki san vizyon nasyonal nan peyi a. Se sak fè jounen Entèrè enperyalis yo se rantre nan agwo biznis, otèl de liks pou touris, zòn franch/faktori asanblaj/soutretans, ak min/resous natirèl. Se tout sa ki esplike, jodi a, se malfra, vòlè, dwòg dilè, ensousyan, reyaksyonè, vakabon, bandi tout kalite ki envesti leta a. Nan eta aktyèl dominasyon peyi enperyalis yo sou peyi d Ayiti, li pap ka lòt jan.

Nou bezwen yon lòt leta. E pou nou gen lòt leta sa a, fòk Ayiti sòti anba dominasyon peyi enperyalis yo kout ke kout. E se moun kap bourike nan faktori, nan plantasyon agrikòl, nan dives sèvis ki dwe òganize yo pou konstwi yon lòt altènativ nan peyi a. E se sa kap vin bay yon nouvo leta, yon leta ki baze sou federasyon demokratik travayè asosye e ki pa rantre nan model/chapant leta peyi enperyalis yo toujou vle foure nan gagann nou an.

Commenter cet article

Archives

Nous sommes sociaux !

Articles récents