Overblog Suivre ce blog
Editer l'article Administration Créer mon blog

Le Monde du Sud// Elsie news

Le Monde du Sud// Elsie news

Haïti, les Caraïbes, l'Amérique Latine et le reste du monde. Histoire, politique, agriculture, arts et lettres.


"BATAY LA AP KONTINYE PI RÈD! " Quelques infos venant de Batay Ouvriyè

Publié par siel sur 5 Avril 2017, 11:40am

Catégories : #AYITI ACTUALITES

"BATAY LA AP KONTINYE PI RÈD! " Quelques infos venant de Batay Ouvriyè

Pandan gouvènman “prezidan enkilpe” a ap paweze nan peyi a, boujwa yo ap chache vanse nan kad represyon abityèl yo. Yo santi yo sou pouvwa yo, yo te goumen pou enstale enkilpe a, jodi a fòk yo jwenn benefis envèstisman yo.
 
Konsa, nan H&H, yon faktori koreyen sou wout Kafou a, gen yon reskonsab pwodiksyon an, Madan Khan, k ap fè ouvriye fanm kou gason pase nan yon je zegwi: anvan anyen se lèt blam, pou ti krik ti krak se sispansyon, depi lide l di l se revokasyon… tout sa san pyès respè pou pyès dwa ouvriye yo.


Nan Premium-Mathon, izin lan, jouk jounen jodi a, pa gen dlo potab!!! Ala hen !


Nan Sisa, apre Afè sosyal fin rekonèt grèv 9 jou kamarad ouvriye yo te fè nan kòmansman ane a te legal epi revandikasyon yo te jis, kidonk, fòk boujwa yo respekte revandikasyon yo te genyen epi peye tout jou grèv yo, jan lalwa mande l. Men vwala, Alain Villard, youn nan boujwa pi reyaksyonè yo, jan nou toujou fè konnen, deklare se 2 jou sèlman l ap peye!! Ki dwa sa a?


Menzalò, nan tout 3 diferan izin sa yo, kamarad yo leve kanpe, yo mobilize chak jou ki jou pou fè respekte dwa yo: BATAY LA FENK KÒMANSE!


Komite ekzekitif SOTA-BO ap kowòdone diferan BATAY yo.
Ouvriye ak ouvriyèz diferan lòt izin mobilize tou pou potekole ak sila ki nan batay yo: yo ale sou chan konfli yo pote solidarite yo, mobilize !
Jodi a, nan diferan estasyon radio divès nan yo t ap pòte pozisyon yo.


Jedi 6 avril k ap vini a, ansanm yo pral bay yon konferans pou laprès nan POHDH pou fikse pozisyon yo epi lanse mobilizasyon ki dwe mennen nou nan PREMYE ME 2017 la, pandan toujou ansanm, y ap pèmèt tout rès kamarad klas yo ansanm ak tout alye nan Kan Pèp la konnen pozisyon yo sou ajisteman salè ki dwe fèt epi ki pa janm ka fèt la, poutèt pati boujwa nan CSS la derefize parèt nan komisyon an pou fè ajisteman an vanse, jan lalwa egzije l epi jan yo te siyen pou sa. Pawòl atoufè sa yo se van.
 
Men tout sa se twòkèt. Chaj la se yon boujwa yo rele ABRAHAM, ti koulout, reyaksyonè fini. Lakay li, sendika pa ka gen pyès lavi. Ata ouvriye li achte pou fè yo rele “Aba sendika! Aba SOTA-BO”senpman poutèt komite seksyon izin sa a te parèt ak kaye revandikasyon l devan direksyon an.


Ka sa a sitèlman vin konplike, gen tout yon DOSYE nou monte pou ran li piblik, devan tout moun, ak transparans BATAY  la mande. Li nan anèks la.
 
BATAY LA AP KONTINYE PI RÈD!

 

Commenter cet article

Archives

Nous sommes sociaux !

Articles récents