Overblog Suivre ce blog
Editer l'article Administration Créer mon blog

Le Monde du Sud// Elsie news

Le Monde du Sud// Elsie news

Haïti, les Caraïbes, l'Amérique Latine et le reste du monde. Histoire, politique, agriculture, arts et lettres.


Lu sur le net :Asosiyasyon “Étonnants Voyageurs” la ap fè yon travay de pwopagann pwo-enperyalis nan enterè enperyalis Franse a peyi a.

Publié par siel sur 3 Décembre 2016, 23:52pm

Catégories : #LU SUR LE NET, #AYITI ACTUALITES

Lu sur le net :Asosiyasyon “Étonnants Voyageurs” la ap fè yon travay de pwopagann pwo-enperyalis nan enterè enperyalis Franse a peyi a.

“Festival Étonnants Voyageurs” la ap pwomouvwa enperyalism kiltirèl la ann Ayiti. Nou pa gen okenn atach ak Lafrans ot ke yon senp kesyon de yon lang nou pran nan men yo nan lepòk kolonyal ak esklavaj. Nou te kraze kolonyalism ak esklavaj la e nou annik kenbe lang la. Se yon wont total pou sa nou reprezante antanke Ayisyen pou se chef leta Ayisyen an, Jocelerme Privert, kap mete an valè lang ak kilti Franse nan peyi d Ayiti. Non, lang Franse ak kilti Franse pa reyose valè nou ditou.
 
Si nou dwe gade sa nou gen an komen ak lòt peyi ki pale Franse menm jan ak nou menm Ayisyen se pa nan lang la an li menm pou nou ta gade men plito lit kont tout fòm neyokolonyalism; se fè Fransè yo konprann nou pa dakò ak rapò dominan-dominen yo vle genyen ak nou menm ki te bat yo sou chan batay nan lagè lendepandans nan lane 1791-1804.  Dayè, Papa Nasyon an te rekòmande nou koupe tout relasyon ak lafrans sinon yap mete nou ajenou ankò; si nou gade byen rapò nou devlope ak Lafrans la se sa ekzakteman ki rive nou.
 
Si nou vle reyose valè nou antanke Pèp, se rekonswi lespri gèrye ak militè nou te devlope nan lagè lendepandans la pou nou te kwape kolonyalism ak lesklavaj e kreye Premye Repiblik Nwa sou Latè, Lib ak Endepandan. Nou dwe valorize Lang Kreyòl nou an pou Ayisyen aprann nan lang manman ak papa yo a. Nou dwe mete an valè Literati Kreyòl oral ak ekri nan kilti nou menm Ayisyen ki reflete lit Pèp Ayisyen pou chanje kondisyon lavi nan peyi a. Se konsa e konsa sèlman nou kapab e dwe reyose valè kiltirèl, moral ak politik nou nan peyi d Ayiti.
 
Asosiyasyon “Étonnants Voyageurs” la ap fè yon travay de pwopagann pwo-enperyalis nan enterè enperyalis Franse a peyi a. Li pa nan enterè peyi d Ayiti ak Pèp Ayisyen pou nou kontinye pwomouvwa festival “Étonnants Voyageurs” yo nan peyi a. Mwen swete anpil, anpil ke 4èm edisyon festival sa a se ta dènye a e ke pap genyen yon 5èm a jamè nan peyi d Ayiti.

Kanmarad Kawonabo

Commenter cet article

Archives

Nous sommes sociaux !

Articles récents