Overblog Suivre ce blog
Editer l'article Administration Créer mon blog

Le Monde du Sud// Elsie news

Le Monde du Sud// Elsie news

Haïti, les Caraïbes, l'Amérique Latine et le reste du monde. Histoire, politique, agriculture, arts et lettres.


FANMI LAVALAS : JOU A RIVE ! - Par Obed Sergo ALEXIS*

Publié par Obed Sergo ALEXIS sur 17 Novembre 2016, 20:25pm

Catégories : #AYITI ACTUALITES

Meeting de Maryse Narcisse, candidate de Fanmi Lavalas aux élections présidentielles

Meeting de Maryse Narcisse, candidate de Fanmi Lavalas aux élections présidentielles

 

Apwè 12 zan konba, jou a siman rive pou Lavalas reprann chimen pouvwa a nan peyi d Ayiti. Se pa youn konba ki te fasil ; e se pa youn konba ki pwal fasil lè Fanmi Lavalas pwal gouvène. Sitou apwè katastwôf  natirèl yo, difikilte ekonomik ak ekolojik yo miltipliye.

 Si nou gen apwi anpil moun nan tout klas sosyal yo ak youn gwo majorite nan mas popilè yo, konba ap toujou rete yon konba ideyolojik. Kote nou jwenn youn fôs pou chanjman sosyal ki ap lite ak youn fôs iltraliberal ki gen nan men li pratikman tout fôs represif yo : Legliz, lajan, medya, zam ak tout enstitisyon politiko-ekonomik entènasyonal yo. E mas yo gen youn sèl zam : youn moun youn vwa ! Se sèl Fanmi Lavalas ak Prezidan Aristide nan klas politik la ki defann dwa konstitisyonèl sa a. Tout lôt politisyen yo ap tann Blan pou mete yo sou pouvwa. Paske yo paka bat Fanmi Lavalas nan youn eleksyon lwayal.

Si jodi a, nou pwôch pouvwa a, gen anpil sikonstans ki favorize sa. Premyeman, Fanmi Lavalas mennen youn konba politik entèlijan depi 12 zan, sitou depi retou nan ekzil prezidan Aristide lan. Nan lit politik kont rejim Michel Martelly a, Fanmi Lavalas te toujou lite sèl pandan ke ôganizasyon politik tankou MOPOD t-ap itilize ouvètman mas elektè Fanmi Lavalas yo sou beton an pandan 5 an gouvènman PHTK a pat vle ôganize eleksyon yo. Fanmi Lavalas te toujou jije enpôtan pou li pat mete l ak lôt ôganizasyon politik yo, ki gen toujou kôm objektif pou fè disparèt pati politik  Fanmi Lavalas lan.

Dezyèm sikonstans, gouvènman tèt kale a te gen anpil lajan nan men l. Anpil moun nan tout klas sosyal yo rive konprann Martelly ak akolit yo fè anpil gagôt finansye ak lajan sa yo : ekzanm lajan rekonstriksyon, lajan petrokarib, lajan ONA, elatriye. Men fôk nou rete vijilan, se pa sèlman fôs fènwa yo ki ap soutni PHTK, gen Ayisyen tou ki kwè Martelly te fè anpil bagay pou peyi a.

Twazyèm rezon an, Ekzekitif la pa fè younsèl ak KEP a tankou l te ye avèk Martelly/Opont. Jocélerme Privert fè youn gouvènman dinyon nasyonal. Tout kan politik yo ka gen kontwôl sou sa Bélanger ap fè nan konsèy elektoral la. Kidonk li ap trè difisil pou youn kan konteste viktwa lavalas ki previzib.

Katriyèm e dènye  sikonstans lan, se kontèks entènasyonal la ki pa favorab pou fôs fènwa yo. Dabô, se pa youn sekrè pou lopinyon entènsyonal ak nasyonal ke se te misye Clinton ak madanm li ki te mete Michel Martelly opouvwa, pou defann pwôp enterè yo. E desizyon sa a te fè anpil bri nan medya ameriken yo. Defèt Hillary Clinton nan eleksyon Etazini a fè ke l trè difisil pou papa Blan seleksyone youn kandida.

Apwè 7 fevriye, Fanmi Lavalas pwal ratise laj nan peyi a ak moun ki konpetan, ki gen diyite ak etik pou fôme youn gouvènman inite nasyonal, kote kriminèl dwa komen e finansye pap gen plas.

Fanmi Lavalas sèten, gen anpil sitwayen nan boujwazi dafè nan peyi a ki gen volonte pou kolabore avèl. Tankou yo toujou fè lè Lavalas opouvwa. Men, nou gen pou objektif tou pou n kolabore ak youn gwo majorite nan devlopman peyi a. Tankou Prezidan Aristide te di l e ensiste nan Pétion-Ville : se tout Ayisyen san distenksyon ki pou mete tèt yo ansanm pou devlope Ayiti.

 Li lè pou fôs diyite nan peyi a konstwi youn fô diyite pou n fini avèk tout fôm vyolans fôs fènwa yo ap fè sou pèp la depi novanm 1987.

Younsèl nou fèb, ansanm nou fô, ansanm ansanm nou se LAVALAS !

*Coordonnateur Fanmi Lavalas, Paris (France/Europe)

Commenter cet article

Archives

Nous sommes sociaux !

Articles récents